नवी दिशा
चालत आहे नव्या दिशेला
नव्या जगाच्या वाटेला
वाटसरू मी नव्या दमाचा
उत्तुंग भरारी ध्येयाचा ।।१।।
सोबतीस जरी भले मिळाले
आम्हा आशा न सोबतीची
स्वप्न उरी जे आम्ही थाटले
त्याला जोड दिली ती कष्टाची ।।२।।
संकटातही भले भले थकले
आम्हा सवय ती लढण्याची
शब्द आमुचे ते खड्ग बनले
त्यांना धार ती सूर्य किरणांची ।।३।।
समीप आले ध्येय आमुचे
परी पाय न चालण्या थकले
लक्ष्य आमुचे अवघड जरी
तरी अंतर जिद्दीने कापले ।।४।।
झाला हर्षित प्रवास अमुचा
आठवणींचा तो स्मरणाचा
असा अमर मी वाटसरू तो
घाव सोसतो ह्या काळचा ।।५।।
No comments:
Post a Comment